Дэлхий дахинд

Самсунг нугардаг дэлгэцтэй Galaxy Fold гар утсаа худалдаанд гаргах хугацааг хойшлууллаа

Нийтэлсэн

6 жил өмнө

2019-04-23

Нийтэлч

Дэлхийд анхных гэгдэж байгаа Самсунг Электрониксийн нугардаг дэлгэцтэй Galaxy Fold ухаалаг гар утсыг дөрөвдүгээр сарын 26-нд буюу Баасан гарагт худалдаанд гаргах гэж байсан юм.

Гэвч техникийн асуудлаас үүдэлтэйгээр худалдаанд гаргах хугацааг хойшлуулж байгаагаа өчигдөр Самсунг компани зарлажээ.

Өнгөрсөн долоо хоногт дэлхийн томоохон хэвлэл мэдээллийн байгууллагуудын технологийн сэтгүүлчид туршилтаар хүлээж авсан шинэ загваруудын дэлгэц эвдэрч эхэлснийг мэдээлсэн юм.

Тухайн үед Самсунг компани гэмтлийг нарийвчлан судалж эхэлснээ мэдэгдэж байв. Өчигдөр гаргасан тус компанийн мэдэгдэлд Galaxy Fold загварыг “сайжруулах хэрэгтэй болсон” тухай мэдээлжээ. Мөн зах зээлд нийлүүлэх хугацааг удахгүй шинэчилж зарлана гэж амласан байна.

Эхний дүгнэлтээр Galaxy Fold загварын дээд, доод нугасны механик ажиллагаа, мөн гар утасны дотрох эд ангид орсон зарим бодис дэлгэцний ажиллагаанд сөргөөр нөлөөлсөн гэжээ.

Уян дэлгэцний технологийг түрүүлж хэрэглээнд нэвтрүүлэх гэсэн Самсунгийн хичээл зүтгэл ийнхүү саадтай тулгарч байна. Өнгөрсөн хоёрдугаар сард Хятадын Huawei компани мөн ийм технологитой Mate X загвараа танилцуулж байсан юм.

Гэхдээ үзүүлэнгийн загварыг гартаа барьж үзэх гэсэн хүмүүст татгалзсан хариу өгч, зөвхөн өөрсдийн гар дээрээс сонирхуулж байжээ. Тиймээс уян дэлгэцний технологи одоогоор шинжлэх ухааны уран зөгнөл хэвээр байгаа бололтой.

Эх сурвалж: Quartz

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...