Дэлхий дахинд

Америк цэргүүд булангийн цаанаас шагайлгүй буудаж чаддаг болно

Нийтэлсэн

6 жил өмнө

2019-04-24

Нийтэлч

АНУ-ын армийн цэргүүд удахгүй шинэ технологийн шөнийн дурантай болох гэж байна.

Enhanced Night Vision Goggles- Binocular (ENVG-B) нэртэй хамгийн орчин үеийн дуранг саяхан Нью Йорк хотын Fort Drum туршилтын талбайд үзүүлжээ.

Уг төхөөрөмжийн туршилт дуусах шатандаа орж байгаа бөгөөд удахгүй бөөнөөр үйлдвэрлэж, ирэх намар армид нийлүүлэхээр төлөвлөсөн байна.

Эхний ээлжийн шинэ шөнийн дурангуудыг Өмнөд Солонгост алба хааж буй явган цэргийн бригад хүлээн авахаар болжээ.

ENVG-B дуран нь өмнөхөөсөө илүү мэдрэмжтэй болсон тул тулааны үед шороо тоос, манан, утаан дундаас орчныг илүү нарийн тод харах боломж олгож байна.

Хамгийн гол дэвшил нь цэргүүдэд булангийн цаанаас ил гаралгүйгээр дайснаа харж буудах боломж олгож байгаа ажээ. Буунд суурилуулсан Family of Weapon Sights-Individual (FWS-I) дуранг шөнийн дурантайгаа утасгүй горимд холбосноор булангийн цаанаас зөвхөн буугаа ил гаргаж, гал нээх боломжтой юм.

Ингэснээр цэргүүд дайсны суманд өртөх магадлал эрс багасах ажээ.

Шинэ дуранг мөн AR (Augmented Reality) технологийн платформд холбосноор бэлтгэл сургуулилалтыг виртуал орчинтой хослуулан явуулж болдог болсон байна.

Эх сурвалж: Business Insider

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

2 өдөр өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

6 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...