Эдийн засаг

Монголбанкны Хяналтын зөвлөл хуралдлаа

Нийтэлсэн

6 жил өмнө

2019-05-13

Нийтэлч

Монголбанкны Хяналтын зөвлөлийн ээлжит хурал 2019 оны 5 дугаар сарын 10-нд болов. Хурлаар Монголбанкны 2018 оны аудитлагдсан санхүүгийн тайланд Хяналтын зөвлөлөөс өгөх санал дүгнэлтийн талаарх Хяналтын зөвлөлийн гишүүн Л.Дондогийн танилцуулгыг хэлэлцэв. Хурлаас гишүүдийн саналыг авч нэгтгэн Хяналтын зөвлөлийн дүгнэлтийг УИХ-ын Эдийн засгийн байнгын хороо болон Монголбанкны удирдлагад хүргүүлэхээр тогтов.

Хяналтын зөвлөлийн гишүүн Б.Цэрэнбалтавын “Мөнгө угаах, терроризмтэй тэмцэх талаар буюу ФАТФ-ын зөвлөмжийн хэрэгжилт, түүнд хийх дүгнэлт, гарцын талаарх” сонсголыг Хяналтын зөвлөл анхааралдаа авав. Улсын Их Хурлын 2018 оны 84 дүгээр тогтоолоор мөнгө угаах, терроризмтэй тэмцэх талаар Монголд өгсөн үнэлгээг дээшлүүлэх арга хэмжээ авч ажиллахыг холбогдох газруудад үүрэг болгосон, түүний хэрэгжилтийн байдал тодорхойгүй байгаа бөгөөд Монголбанк нь энэ асуудлаарх ажлын албаны үүргийг улсын хэмжээнд гүйцэтгэдгийн хувьд онцгойлон анхаарч эрчимтэй ажиллах шаардлагатай гэж үзлээ.

Хяналтын Зөвлөл Монголбанкны дэргэдэх Эдийн засгийн судалгаа, сургалтын хүрээлэнгийн захирал С.Дэмбэрэлийн Хүрээлэнгийн үйл ажиллагаа, цаашдын зорилт, хийх судалгааны мэдээллийг сонсож, цаашдаа Монголбанкны санхүүгийн байдал, төлбөрийн тэнцлийн судалгааны ажлын үр дүнгийн талаар мэдээлэл солилцож, хамтран ажиллахаар тохиров.

Хяналтын зөвлөлийн ажиллах журмын 3.1.6-д зааснаар Монголбанкны Зөвлөлийн үйл ажиллагааны үр дүнг хэлэлцэн дүгнэлт гаргах ажлын хүрээнд Монгол улсын мөнгөний бодлогын хэрэгжилт, ялангуяа Хяналтын Зөвлөлийн эрхлэх ажилд хамаарч болох Монголбанкны актив хөрөнгийн үр өгөөж, нягтлан бодох бүртгэлийн болон аудитын үндэсний болон олон улсын стандартын мөрдөлт, дотоод ба хөндлөнгийн хяналт шалгалтын зэрэг асуудлаар Монголбанкны болон Хяналтын зөвлөлийн гишүүдийн мэдээлэл, саналыг сонсож, санал дүгнэлт гаргаж байх, энэ талаар Монголбанкны Тамгын газрын дэмжлэгийг авч ажиллахаар болов.

МОНГОЛБАНКНЫ ХЯНАЛТЫН ЗӨВЛӨЛ

Сэдвүүд:Монголбанк

Дэлгэрэнгүй ...

Сэтгэгдэл үлдээх

Эдийн засаг

“Moody’s” агентлаг Монгол Улсын зээлжих зэрэглэлийг ”В2,тогтвортой” хэмээн үнэллээ

Нийтэлсэн

6 өдөр өмнө

2024-11-19

Нийтэлч

24barimt

Олон улсын зээлжих зэрэглэл тогтоогч “Moody’s” агентлаг өнөөдөр Монгол Улсын зээлжих зэрэглэлийг 9 жилийн дараа ”В2, тогтвортой” болж сайжирсныг зарлалаа.

Өмнөх сард олон улсын зээлжих зэрэглэл тогтоогч “Fitch” агентлаг Монгол Улсын зээлжих зэрэглэлийг “В+тогтвортой”, “S&P” агентлаг “В+эерэг” гэж үнэлснээ дараалан зарлаж байсан юм.

Харин “Moody’s” агентлаг Монголын Улсын зээлжих зэрэглэлийн үнэлгээ “B2, Тогтвортой” болж сайжрахад дараах хүчин зүйлс нөлөөлснийг онцолжээ.

Ингэхдээ Засгийн газрын өрийн дарамтыг сүүлийн жилүүдэд тогтвортойгоор бууруулсан, Өрийн зохистой удирдлага, төсвийн сахилга батын үр дүнд Засгийн газрын ирэх жилүүдийн дахин санхүүжилтийн эрсдэл буурсан, Эдийн засаг тогтвортойгоор өсөж, ДНБ-ий хэмжээ болон түүний бодит өсөлт нэмэгдсэн хэмээн тайланд дурдсан байна.

Манай улсын хувьд өнгөрсөн хугацаанд дэлхий нийтийг хамарсан цар тахал, геополитикийн зэвсэгт мөргөлдөөний сорилттой он жилүүдэд Засгийн газраас авч хэрэгжүүлсэн санхүү, төсвийн сахилга бат, өрийн удирдлагын оновчтой бодлогын үр дүнд зээлжих зэрэглэлийг бууруулахгүйгээр тогтвортой хадгалсан учраас олон улсын нэр хүнд бүхий 3 агентлагийн үнэлгээг ийнхүү авч чадлаа.

Зээлжих зэрэглэл нь тухайн улсын төр, хувийн хэвшил, банк санхүүгийн байгууллагын гадаадын хөрөнгө оруулалт татах, хөрөнгө оруулалтын зардлыг бууруулахад нөлөөлдөг тул эдийн засгийн хөгжлөө дэмжих, тогтвортой өсөлтийг бий болгоход чухал ач холбогдол өндөр үзүүлэлт юм.

Мөн Засгийн газрын гадаад бондуудын үнэ цэнэ нэмэгдэх төдийгүй бусад арилжааны банкууд, хувийн хэвшлийн компанийн зээлжих зэрэглэл дагаж сайжрах нөхцөл бүрдэж байгаа юм гэж Монгол Улсын Сангийн яамнаас мэдээллээ.

Дэлгэрэнгүй ...

Эдийн засаг

“Эрдэнэс Тавантолгой” ХК дотоодын зах зээлд гаргасан бондын төлбөрөө бүрэн төлж барагдуулжээ

Нийтэлсэн

2 долоо хоног өмнө

2024-11-12

Нийтэлч

24barimt

“Эрдэнэс Тавантолгой” ХК хэрэгжүүлж буй төсөл, хөтөлбөрүүдийг санхүүжүүлэх зорилгоор 2021-2022 онд дотоодын зах зээлд төгрөгийн болон ам.долларын “ЭТТ-БОНД”-ыг нээлттэй гаргасан. Тодруулбал, төгрөгийн 6.2 сая ширхэг бонд арилжиж 620.0 тэрбум төгрөг, ам.долларын 0.6 сая ширхэг бонд арилжиж 64.2 сая ам.долларын хөрөнгө оруулалт тус тус татан төвлөрүүлсэн.

Татан төвлөрүүлсэн төгрөг болон ам.долларын “ЭТТ-бонд”-ын үндсэн төлбөр болох 802.8 тэрбум төгрөгийг 177.7 тэрбум төгрөгийн хүүгийн хамт нийт 980.4 тэрбум төгрөгийг өөрийн эх үүсвэрээр хугацаанд нь буюу 2024 онд бүрэн төлж барагдууллаа.

Нийт төлсөн бондын төлбөр болох 980.4 тэрбум төгрөгийг эргэн төлөх хуваарийн дагуу 15.6 тэрбум төгрөгийг 2021 онд, 74.7 тэрбум төгрөгийг 2022 онд, 552.6 тэрбум төгрөгийг 2023 онд, 337.6 тэрбум төгрөгийг 2024 онд тус тус төлсөн байна.

Ингэснээр “Эрдэнэс Тавантолгой” ХК дотоодын зах зээлд төсөл хөтөлбөр санхүүжүүлэхээр гаргасан ЭТТ-бондын төлбөрийг хүүгийн хамт хугацаанд нь өөрийн эх үүсвэрээр бүрэн төлж барагдуулан бондын өр, төлбөргүй боллоо.

Дэлгэрэнгүй ...

Эдийн засаг

Монголбанк: Аравдугаар сард 1.9 тонн үнэт металл худалдан авлаа

Нийтэлсэн

3 долоо хоног өмнө

2024-11-06

Нийтэлч

24barimt

Монголбанк 2024 оны 10 дугаар сард 1,902.5 кг үнэт металл худалдан авч, оны эхнээс өссөн дүнгээр 14.1 тонн үнэт металл худалдан аваад байна. Энэ нь өмнөх оны мөн үетэй харьцуулбал 0.6 хувиар буурсан үзүүлэлт байна.
Оны эхнээс өссөн дүнгээр Дархан-Уул аймаг дахь Монголбанкны хэлтэс 670.9 кг, Баянхонгор аймаг дахь Монголбанкны хэлтэс 1,085.7 кг үнэт металл тус тус худалдан авсан байна.

Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2024 оны 10 дугаар сард алт худалдаж авах дундаж үнэ 292,856.04 төгрөг байв.