Дэлхий дахинд

Эзэлсэн арлуудаа буцааж өгөхийг Их Британиас НҮБ шаардлаа

Нийтэлсэн

6 жил өмнө

2019-05-23

Нийтэлч

Энэтхэгийн далай дахь бүлэг арлуудыг уугуул эзэнд нь буцааж өгөхийг шаардсан тогтоолыг өчигдөр НҮБ-ын ерөнхий ассемблейн гишүүн орнууд дийлэнх олонхын саналаар баталжээ.

Чагосын олтриг гэгддэг эдгээр арлууд одоо Их Британий захиргаанд байдаг бөгөөд АНУ-ын цэргийн бааз байрладаг юм. Маврики улс 1968 онд Британий колоничлолоос салахдаа Чагосын арлуудыг алдсан байдаг. 1967-1973 онд Британи улс гол арлуудаас уугуул иргэдийг нь албадан нүүлгэж, Диего Гарсиагийн цэргийн баазыг байгуулж, АНУ-д түрээслүүлэх болжээ.

Өчигдөр НҮБ-ын гишүүн орнуудын 116 нь тогтоолыг дэмжиж, 71 нь санал хураалтад оролцоогүй байна. Харин АНУ, Британий талд ердөө дөрвөн улс санал өгсөн юм.

НҮБ-ын тогтоолд Британи улсыг зургаан сарын дотор Чагос арлыг орхин явах хугацаа заажээ.

Британи, АНУ-ын НҮБ дэх төлөөлөгчид санал хураалтын үр дүнд сэтгэл дундуур байгаагаа илэрхийлцгээсэн байна. Улс хоорондын маргааныг шийддэг НҮБ-ын харьяа Олон Улсын Шүүх өнгөрсөн хоёрдугаар сард Чагос арлуудыг Маврики улсад шилжүүлэх шийдвэр гаргасан. Гэвч Британи улс шийдвэрийг биелүүлээгүй тул Маврикийн засгийн газар НҮБ-ын ерөнхий ассемблейд хандсанаар асуудал ийнхүү шийдэгдэж байна.

Эх сурвалж: Russia Today

Сэдвүүд:онцлох

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...