Дэлхий дахинд

Дэлхийн 16 орны удирдагчид “D-Day” ажиллагааны 75 жилийн ойг тэмдэглэлээ

Нийтэлсэн

5 жил өмнө

2019-06-06

Нийтэлч

Өчигдөр Британийн Портсмут хотод дэлхийн 16 орны төрийн тэргүүнүүд цуглаж, 75 жилийн өмнө Баруун Европыг Нацист Германаас чөлөөлөх “D-Day” ажиллагаа эхэлсэн түүхэн үйл явдлыг дурсжээ.

Дурсгалын үйл ажиллагаанд Их Британийн хатан хаан Элизабет, АНУ-ын ерөнхийлөгч Дональд Трамп, Германы канцлерь Ангела Меркель тэргүүтэй Австрали, Бельги, Канад, Чех, Дани, Франц, Грек, Люскембург, Нидерланд, Норвеги, Шинэ Зеланд, Польш, Словакын төр засгийн тэргүүнүүд оролцсон байна.

Тэднээс гадна 300 орчим ахмад дайчин оролцсон нь бүгд 90-ээс дээш настнууд байжээ. Дорнод фронт дээр Нацист Германтай гурван жил дайтсан Зөвлөлтийн удирдагч Иосиф Сталин хоёрдугаар фронт нээхийг өрнөдийн орнуудад уриалж байсны үр дүнд 1944 онд “D-Day” ажиллагаа эхэлж байв.

1944 оны зургаадугаар сарын 6-ны шөнө Британийн Портсмутаас 150,000 гаруй холбоотны цэрэг далай, агаараар Францын Нормандын эрэгт буусан юм.

АНУ-ын генерал Дуайт Эйзенхауэрын командалсан уг ажиллагаанд 7,000 орчим хөлөг онгоц ашиглаж, Францын 80 км орчим урт эрэгт газардсан нь түүхэнд хамгийн том газар, усаар хийсэн байлдааны ажиллагаанд тооцогддог.

Үр дүнд нь Дэлхийн Хоёрдугаар дайн дуусах явц түргэссэн юм.

Эх сурвалж: Business Insider

Сэдвүүд:онцлох

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...