Дэлхий дахинд

Эрдэмтэд хүний тэсвэр тэвчээрийн дээд хязгаарыг тогтоожээ

Нийтэлсэн

5 жил өмнө

2019-06-06

Нийтэлч

АНУ-ын Дюкийн их сургуулийн явуулсан судалгаагаар хүний тэсвэр тэвчээрийн дээд хязгаарыг тогтоох гэж оролджээ.

Эрдэмтэд ингэхдээ марафон гүйлт, Tour de France дугуйн уралдааны тамирчдын үзүүлэлтийг ашигласан байна. Ингээд эцэст нь дундаж хүн өдөрт дээд тал нь 4,000 калори илчлэг шатаах чадвартай гэж дүгнэжээ.

Энэ нь хүний тайван амарч байх үеийн бодисын солилцооны түвшнээс 2.5 дахин их хэмжээ гэсэн үг юм.

Хүн өдөрт 4,000 калориос илүү илчлэг шатааж чадах ч ийм өндөр ачааллыг урт хугацаанд тэвчиж чадахгүй гэж тогтоосон байна.

Тухайлбал нэг марафон гүйлтийг дуусгасан хүний бодисын солилцооны түвшин амарч байх үеийн түвшнээсээ 15.6 дахин өндөр байдаг. Tour de France уралдаанд оролцогчид 23 өдөр уралдахдаа өдөрт 4.9 дахин өндөр бодисын солилцоо явуулдаг.

Антарктидыг туулах 95 хоногийн аялалд оролцсон хүн өдөрт 3.5 дахин өндөр түвшинд бодисын солилцоо явуулж байжээ.

Сонирхолтой нь хөл хүнд эмэгтэй жирэмслэлтийн хугацаандаа асар их бодисын солилцоо явуулдаг. Оргил үедээ тайван байх үеийнхээс дээд тал нь 2.2 дахин өндөр бодисын солилцоог өдөрт явуулдаг нь хүний тэсвэрийн дээд хэмжээнд бараг хүрдэг гэсэн үг юм байна.

Гэхдээ энэ судалгаа нь зөвхөн бодисын солилцоо, хоол хүнс боловсруулах чадварыг үнэлсэн хэрэг юм. Хэрвээ 2.5 гэсэн хязгаараас хэтэрсэн өндөр түвшинд бодисын солилцоо явагдаж эхэлбэл хүн хүч чадлаа хоол хүнсээр буцааж нөхөж амжихгүй болно гэсэн үг ажээ.

Эх сурвалж: BBC

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...