Дэлхий дахинд

Дональд Трамп Сарыг Ангарагийн нэг хэсэг гэж бичээд шоолуулав

Нийтэлсэн

5 жил өмнө

2019-06-08

Нийтэлч

АНУ-ын ерөнхийлөгч Дональд Трамп өчигдөр сансар судлалын талаар твиттер хуудсандаа бичихдээ ноцтой алдаа гаргаж хүмүүст шоолуулжээ.

“Бидний төсөвлөсөн хөрөнгө мөнгийг зөвхөн Саранд хүрэхэд зориулах тухай NASA ярих ёсгүй. Бид 50 жилийн өмнө үүнийг хийчихсэн. Тэд үүнээс ч илүү том зорилт тавих ёстой. Жишээ нь Ангараг (Сар нэг хэсэг нь болдог) байна!” гэж тэр бичсэн юм.

Трамп үүнийг бичихдээ хэдхэн минутын өмнө Fox News сувгаар NASA-гийн санхүүгийн албаны захирал Жэф Девиттийн ярихыг сонссон бололтой.

Девитт телевизээр ярихдаа Ангарагт хүн хүрэхийн тулд эхлээд Саран дээр суурьших чадвартай болох ёстой гэж тайлбарласан юм. Өөрөөр хэлбэл саран дээр суурьшихдаа ашигласан технологи, инновацийг Ангарагт дахин ашиглах боломжтой гэжээ.

Трампын жиргээний дараа твиттер сүлжээнд Ангараг болон Сартай холбоотой сэдэв өргөнөөр хэлэлцэгдэж эхэлсэн байна.

Олон хүн Трампын алдаатай мэдэгдлийг элэглэн шоолж байсан юм.

Твиттер хэрэглэгчид “Ардчилал сарны сүүдэртэй талд үхлээ”, “Юу ч гэсэн сар руу аялцгаая. Газардаж чадахгүй юмаа гэхэд Ангараг дээр буучих байх”, “Сар Ангарагийн нэг хэсэг биш гэдгийг албан ёсоор мэдэгдэж байна”, “Ерөнхийлөгч хүн хэлсэн тул үнэн байх” гэх зэргээр бичицгээжээ.

Эх сурвалж: Business Insider

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...