Дэлхий дахинд

40,000 жилийн өмнө амьдарч байсан чонын толгойг Сибирийн мөнх цэвдэгээс олжээ

Нийтэлсэн

5 жил өмнө

2019-06-12

Нийтэлч

Зүүн Сибирийн мөнх цэвдэгээс 40,000 жилийн өмнө амьдарч байсан чонын тасарсан толгойг илрүүлжээ. Маш сайн хадгалагдаж үлдсэн толгой арьс үс, шүдтэйгээ байгаа нь анхаарал татаж байна.

Тиряхтах голын сав дагуу арслан зааны соёо хайж байсан нутгийн иргэд чонын толгойг олсноо Сахагийн БНУ-ын шинжлэх ухааны академид хүргэжээ.

Тус академийн арслан заан судлалын тасгийн захирал Альберт Протопопов өмнө нь мөнх цэвдэгээс чонын бэлтрэгнүүдийн үлдэгдэл олдож байсан бол анх удаа нас бие гүйцсэн чонын толгой олсныг баталсан байна.

Одоо эрдэмтэд эртний чонын тархи, гавлын бүтцийг дижитал хэлбэрт оруулахаар ажиллаж байгаа гэнэ. Харин генетикийн шинжилгээг Шведийн Стокгольм дахь эрдэмтдийн баг гүйцэтгэхээр болжээ.

Үүнтэй зэрэгцэн эрт цагт амьдарч байгаад устсан агуйн арслангийн үр төлийн олдворыг судлах ажил үргэлжилж байгааг Протопопов мэдээлсэн байна.

Сүүлийн жилүүдэд дэлхийн дулаарлын улмаас Сибирийн мөнх цэвдэгүүд хайлж, дотор нь хадгалагдаж үлдсэн эртний амьтдын үлдэгдэл илрэх явдал нэмэгдээд байгаа юм.

Энэ оны эхээр Сахагийн эрдэмтэд 42,000 жилийн өмнө амьдарч байсан шингэн цус, шээсний үлдэгдэл бүхий унаганы олдворыг илрүүлснээ зарлаж байв.

Одоо эрдэмтэд энэхүү унагыг клонын аргаар хувилж, амьдруулах боломжийг судалж байна.

Эх сурвалж: CNN

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...