Дэлхий дахинд

Дональд Трамп Ким Кардашьянийг амжилттай хуульч болно гэв

Нийтэлсэн

5 жил өмнө

2019-06-14

Нийтэлч

Саяхан реалити шоуны од Ким Кардашьян нөхөр Канье Уэстийн хамт Цагаан ордонд болсон эрх зүйн шинэчлэлтэй холбоотой үйл ажиллагаанд оролцож, Ерөнхийлөгч Дональд Трамптай уулзжээ.

Ерөнхийлөгч Трамп уг арга хэмжээнд ирсэн зочдод Кардашьянийг танилцуулахдаа “Би та бүхний өмнө нэгэн онцгой зочныг урих гэж байна. Энэ хүн бол энтертайнмент салбарын амжилттай хүмүүсийн нэг төдийгүй эрх зүйн шинэчлэлийн хүчирхэг дэмжигч юм. Түүнийг саяхнаас хуулийн чиглэлээр суралцаж эхэлсэн гэж сонссон. Удахгүй түүнийг хамгийн амжилттай хуульчдын нэг болно гэдэгт итгэлтэй байна” хэмээгээд реалити шоуны одыг индэрт урьсан байна.

Харин Кардашьян шоронгийн шинэчлэл, ял шийтгэх ажиллагаатай холбоотой үйлсэд жил гаруйн өмнөөс татагдан орсноо дурдаж, Ерөнхийлөгчийн охин Иванка Трамп, хүргэн Жаред Кушнер нарт талархал илэрхийлсэн байна. Мөн энэ үеэр тэрээр өмнө нь ял эдэлж байсан хүмүүсийг нийгмийн амьдралд буцаан оруулах, ажилд ороход нь туслах хөтөлбөрийг эхлүүлж буйгаа мэдэгдсэн юм. Энэ нь суллагдсан иргэд ажлын ярилцлагад орох, ажил, гэр хоёрын хооронд зорчиход унаагаар туслах зорилготой юм байна.

Дашрамд дурдахад, 38 настай шоу бизнесийн од бүсгүй өнгөрсөн жил Ерөнхийлөгч Дональд Трамптай уулзаж, хар тамхины хэргээр бүх насаар хоригдох ял эдэлж байсан Алис Мэри Жонсон хэмээх 63 настай эмэгтэйг суллуулж чадсан юм. Үүний дараа тэрээр хуульч болохоор суралцаж эхэлсэн бөгөөд энэ сонголтыг хийхэд дээрх үйл явдал урам зориг өгсөн гэж Vogue сэтгүүлд ярьжээ.

Эх сурвалж: People

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...