Улс төр
ТӨРИЙН АЛБАНЫ УРГИЙН МОД
![](https://24barimt.mn/wp-content/uploads/2018/11/ТӨР-АЛБА-АЖИЛ.jpg)
МАН-ын Засгийн эрх авснаас хойших хоёр жилийн хугацаанд хийсэн томилгоог эргэн нягталбал төрийн чухал албанд зөвхөн улстөрчдийн хүүхэд, хүргэн, бэр, хамаатан садан залардаг систем бий болж бүрэлджээ. Төрийн албанд мерит зарчим тогтоож, танил, тал, арын хаалгаар ажилд авдаг тогтолцоог хална гэх амлалт хоосон лоозон болж хувирсан нь эндээс харагдана. Засгийн газрын хэрэг эрхлэх газраас Төрийн албаныханд үнэлт дүгнэлт хийхээр болсон энэ үед төрийн алба төрлийн болж хувирсан ШИНЭ БАРИМТ-ыг дэлгэж байна. Цаашид яам, тамга төрийн өмчит үйлдвэр болон Засгийн газрын оролцоотой том төслүүдэд хэний шахаагаар хэний найз нөхөд, туслах ажилд орсон мэдээллийг хүргэнэ.
- УИХ-ЫН ДАРГА М.ЭНХБОЛДЫН ХҮҮ Э.АНАР Монголбанкны Төлбөр тооцооны бүртгэлийн газрын дарга
- ЕРӨНХИЙ САЙД У.ХҮРЭЛСҮХИЙН ДҮҮ У.ОТГОНБАЯР Барилга хот байгуулалтын яамны Төрийн захиргаа удирдлагын газрын дарга
- ЕРӨНХИЙ САЙД У.ХҮРЭЛСҮХИЙН ТӨРСӨН АХЫН ХҮҮ Г.ГАНТУЛГА Зам тээврийн хөгжлийн яамны Авто тээврийн бодлогын хэрэгжилтийг зохицуулах газрын Тээвэр зохион байгуулалтын хэлтсийн дарга
- УИХ-ЫН ГИШҮҮН, ЕРӨНХИЙ САЙД АСАН СҮ.БАТБОЛДЫН ХҮҮ Б.БАТТҮШИГ Монголбанкны бодлогын зөвлөлийн гишүүн
- УИХ-ЫН ГИШҮҮН, ЕРӨНХИЙ САЙД АСАН СҮ.БАТБОЛДЫН ГЭРГИЙН ТӨРСӨН ДҮҮ Б.АСРАЛТ Гаалийн ерөнхий газрын дарга
- УИХ-ЫН ГИШҮҮН, ЕРӨНХИЙ САЙД АСАН Ж.ЭРДЭНЭБАТЫН ТӨРСӨН ДҮҮ Ж.ЭРДЭНЭТӨГС Сэлэнгэ аймгийн ОНӨҮГ-ын дарга
- УИХ-ЫН ГИШҮҮН Т.АЮУРСАЙХАНЫ ТӨРСӨН ЭГЧ Т.САРАН Нийгмийн даатгалын ерөнхий газрын дэд даргаар
- УИХ-ЫН ГИШҮҮН, САНГИЙН САЙД Ч.ХҮРЭЛБААТАРЫН ТӨРСӨН АХ Ч.ГАНБОЛД Хөдөлмөр халамж үйлчилгээний газрын Хяналт, мониторингийн газрын дарга
- УИХ-ЫН ГИШҮҮН, САНГИЙН САЙД Ч.ХҮРЭЛБААТАРЫН ГЭРГИЙ Р.САРАНЦЭЦЭГ Монголбанкны мөнгөн тэмдэгтийн газрын захирал
- УИХ-ЫН ГИШҮҮН, ХУУЛЬ ЗҮЙ, ДОТООД ХЭРГИЙН САЙД Ц.НЯМДОРЖИЙН ХҮҮ Н.АНХБАЯР Гадаад харилцааны яамны Төрийн захиргааны удирдлагын газрын дарга
- УИХ-ЫН ГИШҮҮН, ЭРҮҮЛ МЭНДИЙН САЙД Д.САРАНГЭРЭЛИЙН ХҮҮ Д.УЛАМ-ӨРНӨХ Төрийн өмчийн бодлого зохицуулалтын газрын Худалдан авах ажиллагааны албаны газрын дарга
- УИХ-ЫН ГИШҮҮН, ЭРҮҮЛ МЭНДИЙН САЙД Д.САРАНГЭРЭЛИЙН ДҮҮ В.ҮНЭНБАТ Тариалан эрхлэлтийг дэмжих сангийн захирал
- УИХ-ЫН ГИШҮҮН, БОЛОВСРОЛ, СОЁЛ, ШИНЖЛЭХ УХААН, СПОРТЫН САЙД Ц.ЦОГЗОЛМААГИЙН НӨХӨР Ч.САРАНЖАВ “Улаанбаатар дулааны сүлжээ ТӨХК”-ийн захирал
- УИХ-ЫН ГИШҮҮН, БОЛОВСРОЛ, СОЁЛ, ШИНЖЛЭХ УХААН, СПОРТЫН САЙД Ц.ЦОГЗОЛМААГИЙН ОХИН С.БАЯСГАЛАН Байгаль орчин, аялал жуулчлалын яамны Аялал жуулчлалын бодлого зохицуулалтын газрын даргын үүрэг гүйцэтгэгч
- УИХ-ЫН ГИШҮҮН, БОЛОВСРОЛ СОЁЛ, ШИНЖЛЭХ УХААН, СПОРТЫН САЙД Ц.ЦОГЗОЛМААГИЙН ХҮҮ С.ТҮВШИНТӨР Зам тээврийн яамны Далайн захиргааны газрын дарга
- УИХ-ЫН ГИШҮҮН БАТЛАН ХАМГААЛАХЫН САЙД Н.ЭНХБОЛДЫН ХҮҮ Э.ОДМӨНХ Гадаад харилцааны яамны Дипломат ёслолын газрын дэд захирал
- УИХ-ЫН ГИШҮҮН, ТӨРИЙН БАЙГУУЛАЛТЫН БАЙНГЫН ХОРООНЫ ДАРГА Д.ЛҮНДЭЭЖАНЦАНГИЙН ДҮҮ Д.БАЯРСАЙХАН Төрийн банкны ерөнхий захирал
- УИХ-ЫН ГИШҮҮН, ӨРГӨДЛИЙН БАЙНГЫН ХОРООНЫ ДАРГА М.ОЮУНЧИМЭГИЙН ДҮҮ Л.ЭРХЭМЗАЯА“Эрдэнэс тавантолгой” ХК-ийн Дэд бүтэц, тээвэр хариуцсан газрын захирал
- УИХ-ЫН ГИШҮҮН, УИХ-ЫН ӨРГӨДЛИЙН БАЙНГЫН ХОРООНЫ ДАРГА М.ОЮУНЧИМЭГИЙН ТӨРСӨН ДҮҮ М.ЦЭЦГЭЭ Чингэлтэй дүүргийн Гэр бүл, Хүүхэд залуучуудын хөгжлийн хэлтсийн дарга
- УИХ-ЫН ГИШҮҮН Б.САРАНЧИМЭГИЙН НӨХӨР Н.МӨНХБААТАР “Чингис хаан” нисэх онгоцны буудлын дарга
- УИХ-ЫН ГИШҮҮН Ж.ЭНХБАЯРЫН ЭХНЭРИЙН ТӨРСӨН ДҮҮ С.МӨНХЧИМЭГ Хөдөлмөр нийгмийн хамгааллын дэд сайд
- УИХ-ЫН ГИШҮҮН Н.УЧРАЛЫН ХАДАМ ЭЭЖ Б.ОТГОНЖАРГАЛ Нийслэлийн нийгмийн халамжийн газрын дэд дарга
- УИХ-ЫН ГИШҮҮН С.БЯМБАЦОГТЫН ТӨРСӨН ДҮҮ С.ТУНГАЛАГТАМИР Хөдөлмөр, нийгмийн хамгааллын яаманд газрын дарга
- УИХ-ЫН ГИШҮҮН, ЗАМ ТЭЭВРИЙН ХӨГЖЛИЙН САЙД Я.СОДБААТАРЫН АХ Я.СОД-ЭРДЭНЭ Хөгжлийн банкны Хяналт шалгалт Тамгын газрын дарга
- УЛААНБААТАР ХОТЫН ДАРГА СУ.БАТБОЛДЫН ЭХНЭРИЙН ТӨРСӨН ДҮҮ Б.БАТ-ИДЭР Засгийн газрын хэрэг эрхлэх газрын Хяналт шалгалт үнэлгээ, дотоод аудитын газрын дарга
- ХҮНС ХӨДӨӨ АЖ АХУЙ ХӨНГӨН ҮЙЛДВЭРИЙН САЙДАД НЭР ДЭВШИГЧ Ч.УЛААНЫ ЭХНЭР О.ЦЭЕНБАДАМЫН ТӨРСӨН ДҮҮ О.ЛХАГВАЦЭДЭН БХБЯ-ны нийтийн аж ахуйн бодлогын хэрэгжилтийг зохицуулах газрын дарга
- ХҮНС ХӨДӨӨ АЖ АХУЙ ХӨНГӨН ҮЙЛДВЭРИЙН САЙД АСАН Т.БАДАМЖУНАЙН ОХИН Б.ГАВАА Төрийн өмчийн бодлого зохицуулалтын газрын Тамгын газрын дарга
- САНГИЙН ДЭД САЙД АСАН Т.ОЧИРХҮҮГИЙН ХҮҮ О.ЭРДЭМБИЛЭГ Монголбанкны тэргүүн дэд ерөнхийлөгчөөр ажиллаж байна.
- Монгол Улсын Ерөнхийлөгч Х.Баттулгын эгч Х.Цэндбаярын охин М.Золжаргалын нөхөр Т.ЛХАГВАДОРЖ МОНГОЛ УЛСААС СИНГАПУР УЛСАД СУУГАА ЭЛЧИН САЙД
- Монгол Улсын Ерөнхийлөгч Х.Баттулгын дүү Х.Баттуулын эхнэр Н.АЛТАНЦЭЦЭГ ШВЕЙЦАРЬТ СУУГАА ЭЛЧИН САЙДЫН ЯАМАНД АЖИЛЛАДАГ
- Боловсрол, соёл, шинжлэх ухааны яамны Төрийн нарийн бичгийн дарга Б.Баярсайханы нөхөр П.БАЯРМАГНАЙ ГХЯ-НЫ ГАДААД СУРТАЛЧИЛГААНЫ ГАЗРЫН ДЭД ЗАХИРАЛ
- УИХ-ын гишүүн Н.Оюундарийн дүү Н.ЧИМГҮҮНДАРЬ ГХЯ-НЫ ТУСГАЙ ҮҮРЭГ ГҮЙЦЭТГЭГЧ ЭЛЧИН САЙД
- УИХ-ын гишүүн Д.Оюунхоролын хүргэн Ч.СҮХБААТАР АНУ-ЫН САН-ФРАНЦИСКО ХОТЫН КОНСУЛЫН ГАЗРЫН ДЭД КОНСУЛ
- УИХ-ын гишүүн Ц.Нямдоржийн хүү Н.АНХБАЯР ГХЯ-НЫ ТӨРИЙН ЗАХИРГАА, УДИРДЛАГЫН ХЭЛТСИЙН ДАРГА. Үүнээс өмнө Монгол Улсаас АНУ-ын Сан-Франциско хотод суугаа Ерөнхий консулаар ажиллаж байв.
- УИХ-ын гишүүн Н.Энхболдын хүү Э.ОДМӨНХ ГХЯ-НЫ ДИПЛОМАТ ЁСЛОЛЫН ГАЗРЫН ДЭД ЗАХИРАЛ
- Сүхбаатар дүүргийн Засаг дарга Х.Болормаагийн хүү Л.МӨНХТҮШИГ ГХЯ-НЫ КОНСУЛЫН ХЭЛТСИЙН ЗАХИРАЛ
- УИХ-ын гишүүн Д.Тэрбишдагвын охин Т. ОДСҮРЭН ГХЯ-НЫ БОДЛОГО ТӨЛӨВЛӨЛТИЙН ГАЗРЫН МЭРГЭЖИЛТЭН
- БЕЛЬГИЙН ХААНТ УЛСАД СУУГАА ЭЛЧИН САЙД О.ОЧ АШУҮИС-н захирал Ж.Цолмонгийн нөхөр
![24barimt.mn](https://24barimt.mn/wp-content/themes/zox-news/images/logos/logo-nav.png)
Улс төр
Монгол Улсын Ерөнхийлөгчид УИХ-ын 2024 оны ээлжит сонгуулийн дүнг өргөн мэдүүллээ
![](https://24barimt.mn/wp-content/uploads/2024/07/IMG_9860.jpeg)
Монгол Улсын Их Хурал /УИХ/-ын 2024 оны ээлжит сонгуулийн дүн, Улсын Их Хурлын гишүүнээр сонгогдсонд тооцсон тухай тогтоолыг Сонгуулийн Ерөнхий хорооноос өнөөдөр Монгол Улсын Ерөнхийлөгч Ухнаагийн Хүрэлсүхэд өргөн мэдүүллээ.
Сонгуулийн Ерөнхий хорооны дарга П.Дэлгэрнаран Монгол Улсын Их Хурлын 2024 оны ээлжит сонгуулийг хууль тогтоомжид нийцүүлэн 2024 оны 6 дугаар сарын 28-ны өдөр амжилттай зохион байгуулсан талаар Монгол Улсын Ерөнхийлөгчид товч танилцуулав.
Ээлжит сонгуулийн санал хураалтын дүнд үндэслэн Сонгуулийн Ерөнхий хороо 2024 оны 6 дугаар сарын 30-ны өдөр хуралдаж, тойрог тус бүрээр хамгийн олон санал авсан нийт 78 нэр дэвшигчийн, мөн нам, эвслийн авсан саналын дүнд үндэслэн 48 нэр дэвшигчийг Улсын Их Хурлын гишүүнээ сонгогдсонд тооцох тухай тогтоол гаргасан гэдгийг хэллээ.
Монгол Улсын Ерөнхийлөгч сонгуулийн дүнг хүлээн авч, УИХ-ын ес дэх удаагийн ээлжит сонгуулийг амжилттай зохион байгуулсан Сонгуулийн Ерөнхий хороо, сонгуулийг зохион байгуулахад оролцсон нийт төрийн албан хаагчдад талархал илэрхийлж, амжилт хүсэв.
Улс төр
Сонгуулийн ерөнхий хорооны хуралдаан болов
![](https://24barimt.mn/wp-content/uploads/2024/07/mpa_4812-1.webp)
Сонгуулийн ерөнхий хорооны ээлжит хуралдаан 2024 оны 6 дугаар сарын 30-ны өдөр боллоо.
Хуралдаанаар Монгол Улсын Их Хурлын 2024 оны ээлжит сонгуулийн санал хураалтын дүнг үндэслэн Улсын Их Хурлын гишүүнээр сонгогдсонд тооцож, үнэмлэх олгох тухай асуудлыг хэлэлцэж, шийдвэрлэлээ.
Монгол Улсын Их Хурлын сонгуулийн тухай хуулийн 74 дүгээр зүйлийн 74.1.2, 74.3.6 дахь заалт, 74.4 дэх хэсгийг үндэслэн Монгол Улсын Их Хурлын 2024 оны ээлжит сонгуулийн тойрогт нэр дэвшиж хамгийн олон санал авсан 78 нэр дэвшигчийг, нам, эвслийн жагсаалтаар нэр дэвшсэн 48 нэр дэвшигчийг тус тус Улсын Их Хурлын гишүүнээр сонгогдсонд тооцож, Улсын Их Хурлын гишүүний үнэмлэх олгох тогтоол батлав.
Улмаар Монгол Улсын Их Хурлын 2024 оны ээлжит сонгуулийн дүнг Монгол Улсын Их Хурал болон Монгол Улсын Ерөнхийлөгчид өргөн мэдүүлж, Улсын Их Хурлын гишүүнээр сонгогдсон нэр дэвшигчдэд Улсын Их Хурлын гишүүний үнэмлэх олгон нийтэд мэдээлэхээр тогтлоо.
Шинэ нэгдсэн эвсэл, Үнэн ба Зөв намаас ирүүлсэн “…Монгол Улсын Их Хурлын сонгуулийн тухай хуулийн 74 дүгээр зүйлийн 74.2-т заасан нам эвсэлд хувь тэнцүүлэн суудал хуваарилахад тавигдах шаардлага нь Монгол Улсын Үндсэн хууль зөрчсөн тул энэ заалтыг Үндсэн хуулийн Цэцэд өгч байна. Иймд уг асуудлыг Үндсэн хуулийн цэц хянан шийдвэрлэх хүртэл Монгол Улсын Их Хурлын сонгуулийн дүнг, тодруулбал нам, эвсэлд жагсаалтаар нэр дэвшигчийг сонгогдсонд тооцох зарим асуудлыг хэлэлцэхгүй байхыг шаардаж байна” гэсэн агуулга бүхий шаардлагыг Хорооны хуралдаанд танилцуулж, хэлэлцүүллээ. Шаардлагын хариуг “Монгол Улсын Их Хурлын сонгуулийн тухай хуулийн 74 дүгээр зүйлд санал хураалтын дүнг гаргах тухай нарийвчлан зохицуулсан хүчин төгөлдөр хуулийг үндэслэн Монгол Улсын Их Хурлын 2024 оны ээлжит сонгуулийн санал хураалтын дүнг Монгол Улсын Их Хурал болон Монгол Улсын Ерөнхийлөгчид өргөн мэдүүлэхээр шийдвэрлэсэн. Монгол Улсын Үндсэн хуулийн Цэцэд өргөдөл гаргах эсэх нь Таны эрхийн асуудал болно” гэсэн албан бичгээр өглөө.
Мөн иргэн М.Сайнбаяр, Д.Баатаржав, Г.Батбаяр нараас тус Хороонд ирүүлсэн “…Үндэсний эвсэл нь Монгол Улсын Их Хурлын Сонгуулийн тухай хуулийн 74 дүгээр зүйлийн 74.2.4-д заасны дагуу 7 хувийн санал авснаар УИХ-д төлөөлөлтэй болох нөхцөл бүрдэх ёстой…” гэсэн агуулга бүхий шаардлагыг Хорооны хуралдаанд танилцуулж, хэлэлцээд “…Монгол Улсын Их Хурлын сонгуулийн тухай хуулийн 26 дугаар зүйлийн 26.4.9-т зааснаар Үндэсний эвслээс тус Хороонд Монголын ногоон намын 2024 оны 01 дүгээр сарын 19-ний өдрийн ээлжит бус 14 дүгээр Их хурлын 06 дугаар тогтоол, Монгол үндэсний ардчилсан намын 2024 оны 01 дүгээр сарын 20-ны өдрийн ээлжит 6 дугаар Их хурлын 13 дугаар тогтоолоор тус тус баталсан “Үндэсний эвсэл” (МНН-МҮАН)-ийн гэрээг ирүүлсэн, мөн Монгол Улсын Их Хурлын сонгуулийн тухай хуулийн 32 дугаар зүйлийн 32.2-т заасны дагуу Үндэсний эвслээс жагсаалтын гуравдугаарт нэр дэвшүүлсэн Д.Пүрэвдаваа нь 2024 оны 5 дугаар сарын 13-ны өдөр Монголын либерал ардчилсан намын Ерөнхий зөвлөлд хандаж Улс төрийн намын тухай хуулийн 5 дугаар зүйлийн 5.7-д заасны дагуу намын гишүүнээс татгалзах тухай өргөдөл, Монголын либерал ардчилсан намын Бүгд хурлын 2024 оны 5 дугаар сарын 14-ний өдрийн 005 дугаар тогтоолоор намын даргын үүрэг ажлаас чөлөөлөгдсөн тухай шийдвэрийг тус тус хавсарган ирүүлсэн байна” гэсэн хариуг албан бичгээр өгөв.
Улс төр
СЕХ: Бүх саналын хуудсыг гар аргаар тоолж, хяналтын тооллого хийлээ
![](https://24barimt.mn/wp-content/uploads/2024/06/449361927_780649920905787_5810442947840932311_n.jpg)
Монгол Улсын Их Хурлын 2024 оны ээлжит сонгуулийн санал авах ажиллагаа дууссаны дараа бүх хэсэгт санал тоолох төхөөрөмжид уншигдсан саналын хуудсыг хяналтын камерын доор нэг бүрчлэн гараар тоолж, хяналтын тооллого хийлээ.
Хяналтын тооллогын үйл явцад 29680 ажиглагч хяналт тавьж оролцов. 2198 хэсгийн хороонд хяналтын тооллогоор тоолсон дүн, санал тоолох төхөөрөмжийн дүнгээс зөрсөнгүй.
Сонгуулийн хороодод ажиллаж буй 25,700 төрийн албан хаагч Монгол Улсын Их Хурлын сонгуулийн тухай хуульд зааснаар хяналтын тооллогыг завсарлахгүйгээр 18-25 цаг үргэлжлүүлж, хэвлэл мэдээллийн байгуулга, сонгогчдод нээлттэйгээр саналын хуудсыг нэг бүрчлэн тооллоо.
2198 хэсгийн хороонд улс төрийн нам, эвсэл болон төрийн бус байгууллагын ажиглагчид, иргэдийн хяналт доор хяналтын тооллого хийж, санал тоолох төхөөрөмжийн дүнг баталгаажуулав.
-
Нийгэм21 цаг өмнө
“Учиртай гурван толгой” дуурийг Сүхбаатарын талбайд тоглоно
-
Улс төр17 цаг өмнө
Монгол Улсын Ерөнхийлөгчид УИХ-ын 2024 оны ээлжит сонгуулийн дүнг өргөн мэдүүллээ
-
Улс төр22 цаг өмнө
Сонгуулийн ерөнхий хорооны хуралдаан болов
-
Нийгэм17 цаг өмнө
Улаанбаатар хотын 110 байршилд 920 мянга гаруй цэцэг тарьжээ
-
Нийгэм17 цаг өмнө
Цахимаар үйлчилгээ авч чадахгүй байгаа иргэдэд зориулж киоск машин байршуулжээ
-
Нийгэм21 цаг өмнө
Ц.Төрхүү: “Streed food” буюу гудамжны хоолны үйлчилгээ эрхлэгчид мах, махан бүтээгдэхүүнийг шинжилгээнд хамруулахгүй байна
-
Нийгэм14 цаг өмнө
Иргэний шилжилт хөдөлгөөний бүртгэлийг сэргээлээ
-
Нийгэм21 цаг өмнө
ЦЕГ: 726 хэргийг шүүхэд шилжүүлэх саналтай прокурорын байгууллагад хүргүүллээ