Дэлхий дахинд

КАНАД: “Huawei”-ийн захирлаас болж, Хятад дахь элчин сайдаа халжээ

Нийтэлсэн

6 жил өмнө

2019-01-28

Нийтэлч

Admin

Канадын Ерөнхий сайд Жастин Трудо өчигдөр БНХАУ-д суух Элчин сайд Жон Маккаллумыг үүрэгт ажлаас нь чөлөөлсөн талаар “Ройтерс” агентлаг мэдээллээ.

Ерөнхий сайд “Би Ж.Маккаллумаас үүрэгт ажлаа хүлээлгэн өгөхийг хүссэн” гэж мэдэгдээд түүнийг ямар шалтгаанаар ажлаас нь чөлөөлж буйгаа мэдэгдэхээс татгалзжээ.

Хятадын харилцаа холбооны “Huawei” компанийн санхүү хариуцсан захирал Мэн Ванжоуг шилжүүлэн өгөх асуудлаас болж, Элчин сайд болон Ерөнхий сайд нар санал зөрөлдсөн байна.

Элчин сайд өнгөрөгч долоо хоногт “АНУ-ын эрх баригчид Мэн Ванжоуг шилжүүлэн өгөхийг шаардаж байна. Гэхдээ энэ бол ноцтой алдаа” гэж мэдэгджээ. Тэрбээр уг мэдэгдлийнхээ дараа нэг талыг барьсан мэдэгдэл хийснийхээ төлөө ард түмнээсээ уучлалт хүсч “АНУ шилжүүлэн авах хүсэлт гаргахгүй байх нь Канад улсад нэн тустай” гэж мэдэгдлээ залруулжээ.

Жон Маккаллум Канадын Засгийн газарт 20 жил ажилласан хашир туршлагатай улстөрч юм.

Мэн Ванжоуг АНУ-ын Засгийн газрын эдийн засгийн хориг хэмжээг зөрчиж, Ираны талд чухал ач холбогдолтой технологийн тоноглол нийлүүлсэн хэмээн буруутгаж байна. Тэрбээр уг хэрэгт холбоотой нь тогтоогдвол хамгийн багадаа 30 жилийн ял сонсох аж.

БНХАУ-ын тал иргэнийг нь зөвшөөрөлгүй баривчилсан явдалд дургүйцлээ илэрхийлэн, хоёр сарын хугацаанд Канадын таван иргэнийг баривчлан, хар тамхины хэрэгт нэр холбогдсон Канад залууд ялын дээд хэмжээ оноосон юм.

Б.Дэлгэрцэцэг

Shuud.mn

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

1 өдөр өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...