АНУ-ын эрх чөлөөний үндэсний өдөр

Эрх чөлөөний үндэсний өдрийг (National Freedom Day) АНУ-д хоёрдугаар сарын 1-нд тэмдэглэж байна. АНУ-ын ерөнхийлөгч Авраам Линкольн 1865 онд боолчлолыг халах тухай 13 дугаар нэмэлт заалтыг Үндсэн хуульд оруулсан Конгрессийн тогтоолд гарын үсгээ зуржээ. “Гэмт хэрэг хийн шийтгэгдсэн хүмүүст хүчээр тулгахаас өөр боолчлол ба хүчинд автсан албадалт АНУ-ын хил хязгаарт, хууль эрх зүйн хамааралтай ямар ч  газар нутагт байх ёсгүй” хэмээн уг нэмэлтэд заасан байна. Эрх чөлөөний өдрийг анх 1942 оны хоёрдугаар сарын 1-нд тэмдэглэснээс хойш Эрх чөлөөний хонхонд (Liberty Bell) цэцэг өргөх уламжлал тогтжээ.

Лондоны хөрөнгийн биржийн түүхэнд анх удаа арилжаанд брокер эмэгтэйчүүдийг оруулав

1973 он – энэ өдөр Лондоны хөрөнгийн бирж  түүхэндээ анхны эмэгтэй брокерыг арилжаандаа оруулжээ. Үүнээс хоёр сарын  дараа есөн эмэгтэй арилжаанд суудлаа эзэлсэн байв. Харин 2000 онд Лондоны хөрөнгийн биржийн Захирлуудын зөвлөлийг Клара Ферз гэх бүсгүй тэргүүлэх болжээ.

Энэ өдөр түүхэнд

1587 он – Английн хатан хаан Элизабета  I  протестант шашиныг аврах, улс орныхоо аюулгүй байдлыг хамгаалах гэж Шотландын хатан хаан Мария Тюдорыг цаазлах зөвшөөрөл өгчээ. Түүнд энэ шийдвэрийг аргах нь амаргүй байв. Тэрээр хамаатнаасаа гадна, хууль ёсны  хатан хааныг цаазлах ёстой болсон юм.

1662 он – Хятадын цэргийн жанжин Кошинга Тайваны арлыг 9 сар бүслэв.

1788 он – Исаак Бриггс болон Виллиам Лонгстрит нар уурын завийн патент авчээ.

1790 он – АНУ-ын дээд шүүх анх удаагаа цуглажээ. Хамгийн анхны удирдагч нь Нью-Иоркийн Жон Жай гэдэг хүн байжээ.

1884 онд – Англи хэлний Оксфорд толь бичиг анх удаагаа хэвлэгдэн гарчээ.

1897 он – Өмнөд Солонгосын хамгийн хуучны банк болох Шинхан банк Сөүл хотноо нээгдэв.

1913 он – Монгол Улс өөрийн хязгаар нутаг Өвөр Монголын ихэнх хошуудыг чөлөөлөв. Монгол Улсын Засгийн газар Өвөр Монголыг хятад цэргээс чөлөөлж улс үндэстнээ нэгтгэн, хязгаар нутгаа батлан хамгаалахаар Дотоод чуулганы Чуулалт хаалга, Бат хаалга, Долон нуур, Хөх хот, Бугат хотын чиглэлд таван замаар цэрэг хөдөлгөхөөр шийдвэрлэж, зүүн өмнө хязгаарын цэргийг захирах жанжинд Манлайбаатар Ж.Дамдинсүрэнг томилжээ.

1919 он – Америкийн миссийн тэмцээн Нью-Иорк хотод анх удаагаа болов.

1924 он – Их Британи улс ЗСБНХУ-ыг хүлээн зөвшөөрчээ.

1946 он – Трайгве Лиэ гэдэг норвеги хүн НҮБ-ын хамгийн анхны ерөнхий нарийн бичгийн даргаар сонгогджээ.

1964 он – “Битлз” хамтлаг “I Want to Hold Your Hand” дуугаа гаргажээ.

1965 он – Канадын Лабрадор хотод урсдаг Хамилтон голыг Уинстон Черчиллийн нэрээр “Черчиллийн гол” гэж нэрлэх болжээ.

1968 он – Өмнөд Вьетнамын үндэсний цагдаагийн газрын дарга Нгуен Нгок Лоан энгийн нэгэн цэрэг Нгуен Ван Лемийг буудан хороож байгаа зургийг Америкийн гэрэл зурагчин Эдди Адамс авч чаджээ.

1979 он – Ираны шашин төрийн дээд тэргүүн Аяатолла Рухолла Хомейни 15 жил цөлөгдсөнийхөө дараа Тегеран хотод эргэн ирэв.

2009 он – Исландын ерөнхий сайдын суудалд заларсан анхны эмэгтэй улстөрч Йоханна Сигурдоттир өөрийгөө лесби  гэдгээ зарлажээ. Ингэснээр олон нийтэд бэлгийн чиг хандлагаа нээлттэй зарласан анхны өндөр албан тушаалтан болсон юм.