АНУ, БНХАУ-ын эдийн засаг, худалдааны дээд хэмжээний зөвшилцөл Вашингтон хотноо болж өндөрлөжээ. Талууд хоёр хоногийн хугацаанд хоёр орны төрийн тэргүүн нарын Аргентинд хийсэнуулзалтаар тохиролцсон нийтлэг ойлголтын удирдлага дор худалдааны тэнцвэртэй байдал, технологи шилжүүлэх, оюуны өмчийн эрхийг хамгаалах, гаалийн татварын хориг, үйлчилгээний салбар, хөдөө аж ахуй, хэрэгжүүлэх механизм, мөн Хятадын талын анхаарал хандуулж буй асуудлаар ярилцжээ. Хоёр талын ахлагч худалдааны тэнцвэртэй байдал, технологи шилжүүлэх, оюуны өмчийн эрхийг хамгаалах, хэрэгжүүлэх механизм зэрэг хамтдаа анхаарч буй асуудал, мөн Хятадын талын анхаарч буй асуудлаар илэн далангүй, бодит, бүтээлчээр хэлэлцэж, үе шатны чанартай ахиц гарган, дараагийн шатны зөвшилцөх цагийн хуваарь, төлөвлөгөөг тодорхойлсон байна.

Энэ удаагийн зөвшилцөлд хоёр тал тус тусын анхаарч буй асуудлаа илэн далангүй илэрхийлж, бодит хэргээр ашиг сонирхлын нийтлэг цэгийг хайж, эрх тэгш, харилцан ашигтай, хамтдаа ашиг хүртэх зарчмыг илэрхийлсэн чухал үр дүнд хүрсэн хэмээн ажиглагчид онцолж байна. Тухайлбал, энэхүү эдийн засаг, худалдааны дээд хэмжээний зөвшилцлөөр тохиролцсон нийтлэг ойлголтыг үндэслэн Хятадын тал Америкаас импортлох хөдөө аж ахуй, эрчим хүч, аж үйлдвэр, үйлчилгээний бүтээгдэхүүнийг их хэмжээгээр нэмэгдүүлэхээр болжээ.