Дэлхий дахинд

Өмнөд Солонгос АНУ-ын цэргийг байрлуулсныхаа төлөө илүү мөнгө төлөхөөр болов

Нийтэлсэн

6 жил өмнө

2019-02-11

Нийтэлч

Admin

Өчигдөр буюу Ням гарагт Сөүл, Вашингтоны төлөөлөгчид Өмнөд Солонгос дахь Америкийн цэргийн баазын зардлыг хуваалцах гэрээнд гарын үсэг зуржээ.

Гэрээ ёсоор АНУ-ын 28,500 цэргийг нутаг дэвсгэртээ байрлуулах зардалд Өмнөд Солонгос 2019 онд 1.038 их наяд вон ($923 сая) төлөхөөр болж байна. Энэ нь 2018 онд төлж байсан 960.2 их наяд воноос 8.2 хувиар өссөн дүн юм.

Хоёр улс 1991 оноос хойш цэргийн баазын зардлыг хуваалцаж ирсэн бөгөөд гэрээг 2-5 жилийн зайтай шинэчилж байжээ. Өмнөх гэрээ 2014-2018 оны хооронд үйлчлээд дуусч байгаа юм.

Дональд Трамп ерөнхийлөгч болсныхоо дараа АНУ-ын холбоотон орнуудаас гаргадаг батлан хамгаалах зардлыг нэмэгдүүлэх бодлого баримталж эхэлсэн. Тиймээс энэ удаагийн хэлэлцээр өнгөрсөн оны гуравдугаар сард эхэлж, удаан хэлэлцсэний эцэст үр дүнд хүрсэн нь энэ юм.

АНУ-ын тал Өмнөд Солонгосын талд $1 тэрбумын зардал хуваалцах саналыг анх тавьж байжээ. Гэвч Сөүлийн эрх баригчид өөрт ноогдох хувийг 1 их наяд воноос хэтрүүлэхгүй хэмээн хариу санал тавьж, олон сар хэлэлцсэний эцэст 1.083 их наяд вон дээр тохиролцсон байна.

Гэрээг зөвхөн 2019 оныг хамрахаар хийсэн нь дараа дараагийн жилүүдэд Өмнөд Солонгосын талын зардал нэмэгдэх нөхцлийг бүрдүүлж байгаа юм.

Эх сурвалж: Yonhap News

Сэдвүүд:онцлох

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...