Нийгэм

Засгийн газрын ордон руу явдаг автобусны чиглэлийг зогсоолоо

Нийтэлсэн

3 цаг өмнө

2024-11-08

Нийтэлч

Өвлийн улирал эхэлсэнтэй холбоотойгоор үндсэн чиглэлүүдэд автобус нэмэх олон нийтийн санал хүсэлтийг үндэслэн Засгийн газрын ордон руу явдаг АТ:1, АТ:2, АТ:3 чиглэлийг өнөөдрөөс буюу энэ сарын 8-наас зогсоохоор боллоо.

Тодруулбал, нийслэлийн авто замын түгжрэлийг бууруулах зорилгоор Төрийн ордонд ажилладаг 1400 албан хаагчийг нийтийн тээврийн хэрэгслээр үйлчлүүлэхийг уриалж дараах гурван чиглэлд автобус үйлчилж байсан юм.

АТ:1 “Засгийн газрын ордон – Гэрэлт хотхон – Зайсан”
АТ:2 “Засгийн газрын ордон – Ривер гарден – Хан хилсс”
АТ:3 “Засгийн газрын ордон – Энканто – Хүннү 2222 хороолол”

НИЙТИЙН ТЭЭВРИЙН БОДЛОГЫН ГАЗАР

Сэдвүүд:онцлох

Дэлгэрэнгүй ...

Нийгэм

Явган замын нөхөн сэргээлт үргэлжилж байна

Нийтэлсэн

4 цаг өмнө

2024-11-08

Нийтэлч

24barimt

Энэ онд 87 байршилд авто замын засвар, шинэчлэл хийхээс өнөөдрийн байдлаар 63 байршилд авто замын зорчих хэсэгт асфальт бетон хучилтыг бүрэн хийж дууссан.

Нийт явган замын нөхөн сэргээлтийн ажил үргэлжилж байна.

Энэ талаар НЗХГ-ын Авто замын хяналтын мэргэжилтэн П.Бержанаас тодрууллаа.

Тэрбээр “Инженерийн шугам сүлжээ болон авто замын хашлага суурилуулах явцад эвдэрсэн явган замын нөхөн сэргээлтийн ажил үргэлжилж байна. Хамгийн сүүлд гэхэд Улаанхуарангийн авто замын засвар шинэчлэлтийн хүрээнд явган замын засварыг хийж дууслаа. Гэсэн ч зарим байршилд шугам хоолой зэрэг засварын ажлаас шалтгаалж явган замын ажил бага зэрэг удаашралтай байна. Тухайлбал, Олимпийн гудамжийн 2А магистрал шугамын ажлыг хийж байгаа учраас явган замын нөхөн сэргээлт удааширсан” хэмээлээ.

Харин шугам хоолойн ажлын хүрээн дэх явган замын нөхөн сэргээлтийн ажлын талаар УБЗАА-ны Хотын инженерийн дэд бүтцийн газрын дарга, Ерөнхий инженер М.Балдандоржоос зарим зүйлийг тодрууллаа.

Тэрбээр “Улаанбаатар хотын 2024 оны өвөлжилтийн бэлтгэл хангах ажлын хүрээнд нийт 18 дулааны магистрал шугамыг шинэчилсэн. Үүнээс гадна инженер хангамжийн байгууллагуудын шугам сүлжээний ажлууд хийгдсэн. Мөн иргэн, хуулийн итгээд буюу аж ахуйн нэгж байгууллагуудын барилгын гадна дэд бүтэц, шугам сүлжээний ажил зэрэг нийт 180 орчим цэг дээр нийтийн эзэмшлийн ногоон байгууламж, зам талбайг сэтлэх зөвшөөрөл авч хэрэгжүүлсэн. Үүнтэй холбоотойгоор нөхөн сэргээлтийн ажилд хяналт тавьж, өнөөдрийн байдлаар 5 байршилд ажил хийгдэж байгаагаас энэ 7 хоногт гурван байршилд нөхөн сэргээлт дуусна.

Харин үлдсэн 2 байршил болох 2А магистрал дулааны шугамын нөхөн сэргээлтийн ажил, 11ГД шугамын нөхөн сэргээлтийн ажил үргэлжлээд дуусах шатандаа явж байна. Тодруулбал, 2А шугам дээр захиалагч байгууллага буюу Эрчим хүчний яаманд болон тодорхой хэмжээний тохижилт бүтээн байгуулалтын ажилд албан шаардлага өгч байна. Мөн шинэчилсэн явган замын хавтанг буцааж тавихдаа хагалж эвдсэн зөрчлүүд гарсан. Үүнийг иж бүрэн солиулах албан шаардлагыг захиалагч байгууллага болон төслийн нэгжүүдэд хүргүүлээд ажиллаж байна” гэлээ.

Дэлгэрэнгүй ...

Нийгэм

“Автобусны камераар зөрчил илрүүлэх нь” сургалт зохион байгууллаа

Нийтэлсэн

4 цаг өмнө

2024-11-08

Нийтэлч

24barimt

Нийтийн тээврийн хэрэгсэлд суурилуулсан хяналтын камерийн тусламжтайгаар замын хөдөлгөөний дүрмийн 11.10-д заасан “Чиглэлийн тээврийн хэрэгслийн эгнээ бүхий замд чиглэлийн тээврийн хэрэгслээс бусад тээврийн хэрэгсэл энэ дүрмийн 10.5-д заасны дагуу байр эзлэхээс бусад тохиолдолд уг эгнээгээр байрлан явахыг хориглоно” гэж заасныг хэрэгжүүлэн, нийтийн тээврийн хэрэгсэл чөлөөтэй зорчих боломжийг бүрдүүлэх зорилгоор зөрчлүүдийг илрүүлж эхэлсэн.

Тээврийн цагдаагийн алба, Замын хөдөлгөөний удирдлагын төв ОНӨТҮГ, ICT группын төсөл хариуцсан нэгжтэй хамтран “Автобусны камераар зөрчил илрүүлэх нь” сургалтыг зохион байгууллаа.

Сургалтад хамрагдсан инженер техникийн ажилтнууд нь сургалтаар авсан мэдээллийг жолооч нарт түгээж, зөрчлийн мэдээллийг чанаржуулснаар чиглэлийн тээврийн хэрэгслийн эгнээг чөлөөтэй байлгах, зорчих хугацааг багасгах ач холбогдолтой гэж Нийтийн тээврийн бодлогын газраас мэдээллээ.

Дэлгэрэнгүй ...

Нийгэм

Хүний амь насыг хохироож, хэргийн газраас зугтаасан этгээдийг олж тогтоолоо

Нийтэлсэн

4 цаг өмнө

2024-11-08

Нийтэлч

24barimt

Өчигдөр буюу энэ оны 11 дүгээр сарын 7-ны шөнийн 01:20 цагийн орчимд “Яргайтын замд байрлах Зуслангийн хэрэглэгчдэд үйлчлэх төвийн зүүн замд машинд дайруулсан хүн байна” гэх дуудлага, мэдээллийн дагуу цагдаагийн байгууллагаас шалгалтын ажиллагаа явууллаа.

Шалгалтаар 44 настай, эрэгтэй “Э” нь “Toyota Land-200” маркийн тээврийн хэрэгсэл жолоодож яваад 28 настай, эмэгтэй, “С”-ийг мөргөж, амь насыг нь хохироосон байна.

Уг этгээд нь ослын газрыг орхиж, зугтаан Сүхбаатар дүүрэгт жолоодож явсан тээврийн хэрэгслээ нуусан байсныг олж, хойшлуулшгүй ажиллагааны хүрээнд нөхөн үзлэг хийж, шалгалтын ажиллагааг үргэлжлүүлэн явуулж байна.

Замын хөдөлгөөний дүрмийн 3.4-т жолооч нь хүний амь нас, эрүүл мэнд, эд хөрөнгөд ноцтой хохирол учирсан байж болзошгүй зам тээврийн ослын тохиолдол харсан даруйд очиж бололцоотой тусламж үзүүлэх, цагдаа, эмнэлгийн байгууллагад яаралтай мэдэгдэх, зам тээврийн осолд өртсөн хүнд эмнэлгийн анхны тусламж үзүүлэх, түүнийг эмнэлэгт яаралтай хүргэх үүрэгтэй гэж заасан байдаг.

Дэлгэрэнгүй ...