Хятад Ардын чөлөөлөх арми Тайванийн зүг цэргийн хэд хэдэн хөлөг, нисэх онгоц, нисдэг тэрэг, нисгэгчгүй аппарат илгээлээ гэж Тайванийн Батлан хамгаалах яамны хэвлэлийн алба  арваннэгдүгээр сарын 6-нд  мэдээллээ.

Тайванийн цэргийнхний мэдээлснээр бол эндээ Су-30, J-11, J-16 сөнөөгч онгоц, сөнөөгч бөмбөгдөгч JH-7, радиолокацийн тагнуулын Y-8 онгоц, тагнуул цохилтын CH-4 нисгэгчгүй аппарат, тагнуулын зориулалттай нисгэгчгүй BZK-00 аппарат,радиолокацийн алсын нисэх комплекс KJ-500, мөн WZ-7 нисдэг тэргүүд оролцуулжээ. Нийтдээ нисэхийн 46 хөлөг, тэнгисийн цэргийн дөрвөн хөлөг онгоц байжээ.

Эднээс 20 гаруй нисэх онгоц, бусад төхөөрөмж нь Тайванийн хоолойн дундын бүсийг нэвтэрсэн гэж Тайванийн Батлан хмагалаах яам мэдээлсэн байна.

Үүнтэй холбогдуулан Тайванийн сөнөөгч онгоцууд агаарт хөөрч, зенит пуужингийн цогцолборууд байлдааны бэлэн байдалд шилжсэн байна.

Танзанид онгоц осолдож 19 хүн нас барлаа

Танзанид зорчигч тээврийн Precision Air нисэх онгоц Виктория нуурт осолдсоны улмаас 19 хүн нас барлаа гэж тус улсын Ерөнхий сайд Кассима Мажаливын эх сурвалжаас The Washington сонин авч мэдээллээ. Мэдээлэлд “нисэх онгоцонд байсан 19 хүн нас барсан” гэжээ. Үүний өмнө гурван хүн нас барсан гэж мэдээлж байжээ.

Ослын дараа аврагчид 26 хүнийг уснаас гаргаж авсан гэж бүс нутгийн эрх баригчид мэдээлснийг нутгийн Citizen сонин бичсэн байна. Хэвлэлд бичсэнээр бол онгоцонд 43 хүн байсны 39 нь зорчигч байжээ.

Танзанийн агаарын тээврийн хувийн компанийн Precision AirATR 42-500 онгоц  Дар-эс-Саламаас Букобу орохоор нисч яваад Виктория нууранд ослоор буусан байна. Ослын шалтгааныг уртьдчилсан байдлаар хүчтэй салхи, бороотой цаг агаарын байдлаас болсон гэж үзэж байгаа юм байна.