Дэлхий дахинд

Гал түймрээс 3 хүүхэд аварсан залууг галын хороор шагнажээ

Нийтэлсэн

6 жил өмнө

2019-01-30

Нийтэлч

Admin

ОХУ-ын Екатеринбург хотод энэ явдал тохиолджээ. Энэ сарын 26-нд Геворг Аветисян гэдэг 30 настай залуу эхнэрийн хамт машинаар явж байгаад шатаж байгаа байшин олж харжээ.

Байшингаас тусламж эрэн хашгарах дуу сонсогдож байв. Геворг байшинд гүйн ороход 12 настай хоёр охин, 10 настай хүү гэсэн 3 хүүхэд гарч чадахгүй гацсан байв. Хаалга шатаж байсан тул залуу цонх хагалан, хүүхдүүдийг гаргаж, амь насыг нь аварсан байна.

ОХУ-ын Свердловск мужийн Онцгой байдлын газрын орлогч дарга Валерий Казаков түүнд талархал дэвшүүлээд “Геворг шиг зоригтой хүмүүсийн ачаар галын аюулд хохирогчдын тоо өдөр ирэх тусам багасч байна” гэсэн бол Геворг “Би өөрөө 5 хүүхэдтэй хүн, туслалгүй яахав” гэж хэлсэн байна.

Ингээд Свердловск мужийн Онцгой байдлын газраас түүнд Баярын бичиг, галын хорын хамт бэлэглэсэн байна. Мэдээж Геворг мөнгө төгрөгөөр шагнуулах гэж хүүхэд авраагүй тул шагналаа аваад гэртээ харьсан. Харин энэ мэдээг үзсэн хүмүүс олон нийтийн сүлжээнд ийм сэтгэгдэл үлдээсэн байлаа.

antisfen @antisfen74
“Яагаад Путиний хөрөг бэлэглэсэнгүй вэ?”

Vitaliy @blank_hs
“Эх баригчид хүүхэд бэлэглэсэн юм шиг”

Д’Артаньян @DArtagnanFR
“Их өгөөмөр байна. Онцгойгийнхон юу ч өгөхгүй байж болох л байсан”

СЕРГЕЙ @Honda410
“Зүгээр усны хувингаар шагнаж болох байлаа. Манай Орос технологийн их гүрэн болохоор дэвшилттэй зүйл өгсөн байна. Ха ха”

Өнгөрсөн жилийн 11 дүгээр сард ойд төөрсөн 2 хүүхдийг аварсан эрэгтэй анчдад Пермь хотоос гоо сайхны хэрэглэл бэлэглэсэн нь олон нийтийн сүлжээнд бас шуугиан тарьсан билээ.

М.СУГАР-ЭРДЭНЭ

Эх сурвалж: UB.LIFE

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...