Дэлхий дахинд

Ши Жиньпин АНУ-ын сангийн сайдтай уулзана

Нийтэлсэн

6 жил өмнө

2019-02-13

Нийтэлч

Admin

БНХАУ-ын дарга Ши Жиньпин ирэх баасан гарагт /2019.02.15/ худалдааны хэлэлцээ хийхээр Бээжин хотноо хүрэлцэн ирээд буй АНУ-ын худалдааны төлөөлөгч Роберт Лайтхайзер, сангийн сайд Стивен Мнучин нартай уулзахаар төлөвлөж байна гэж South China Morning Post сонин мэдээлжээ.

АНУ-ын төлөөлөгчдөд зориулж хятад хоолны ресторанд хүлээн авалт хийх бөгөөд хүлээн авалтад БНХАУ-ын шадар сайд Лю Хэ оролцох аж.

БНХАУ, АНУ-ын худалдааны ээлжит хэлэлцээ Бээжин хотноо хоёрдугаар сарын 14-15 болох бөгөөд АНУ-ын төлөөлөгчид урьдчилсан хэлэлцээ хийхээр энэ даваа гарагт /2019.02.11/ Бээжин хотод ирээд байгаа юм.

Бээжин хотноо болох уулзалт тус хоёр улсын хооронд үүсээд буй худалдааны дайны “галыг зогсоох” хугацаа дуусахаас 14 хоногийн өмнө болж байна. Талууд энэ оны гуравдугаар сарын 1-нээс өмнө тохиролцоонд хүрч чадахгүй бол АНУ Хятадын 200 тэрбум ам.долларын өртөг бүхий бараа, бүтээгдэхүүнд ногдуулж буй гаалийн татвараа хоёр дахин нэмэх юм.

Мягмар гарагт /2019.02.12/ АНУ-ын Ерөнхийлөгч Дональд Трамп Хятад улстай ашигтай хэлэлцээ хийхийг эрмэлзэж буйгаа илэрхийлээд худалдааны дайны галыг зогсоох хугацааг хойшлуулах боломжтой хэмээн мэдэгдсэн юм.

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...